Algengar spurningar
Hér finnur þú svör um ferilskrárgerð hjá Easy CV og ECV kunnáttuprófin sem hjálpa umsækjendum að staðfesta þekkingu sína.
Ferilskrá og umsókn
Easy CV
Hvernig bý ég til góða ferilskrá?+
Góð ferilskrá á að vera skýr, snyrtileg og auðlesin. Hún þarf að sýna hver þú ert, hvaða reynslu þú hefur, hvaða menntun þú hefur lokið, hvaða hæfni þú býrð yfir og hvernig hægt er að hafa samband við þig. Með Easy CV getur þú búið til faglega ferilskrá án þess að þurfa að byrja með autt skjal.
Hvað á að vera á ferilskrá?+
Á ferilskrá ættu yfirleitt að vera nafn, símanúmer, netfang, stutt kynning, starfsreynsla, menntun, námskeið, hæfni, tungumál og meðmælendur ef þú vilt hafa þá með. Það fer þó eftir reynslu og starfi hvað skiptir mestu máli.
Hvernig skrifa ég góða kynningu á ferilskrá?+
Stutt kynning efst á ferilskrá á að segja atvinnurekanda fljótt hver þú ert og hvað þú getur boðið. Best er að hafa hana skýra, persónulega og tengda starfinu sem þú ert að sækja um.
Hversu löng á ferilskrá að vera?+
Fyrir flesta er ein blaðsíða nóg, sérstaklega fyrir fyrsta starf, sumarstarf, þjónustustarf eða almenn störf. Ef þú ert með mikla reynslu eða sækir um stjórnenda- eða sérfræðistarf getur ferilskráin verið tvær síður.
Þarf ferilskrá að vera á íslensku?+
Ef þú ert að sækja um starf á Íslandi er oft gott að hafa ferilskrá á íslensku, sérstaklega ef starfið er auglýst á íslensku eða krefst íslenskukunnáttu. Easy CV er hannað fyrir íslenskan vinnumarkað.
Get ég notað Easy CV fyrir fyrstu ferilskrána mína?+
Já, Easy CV hentar mjög vel fyrir fyrstu ferilskrá. Þú getur sett inn menntun, námskeið, verkefni úr skóla, sjálfboðavinnu, áhugamál, félagsstörf, íþróttir, tungumál og persónulega styrkleika.
Hvað kostar að búa til ferilskrá hjá Easy CV?+
Hver ferilskrá hjá Easy CV kostar 3.900 kr. Markmiðið er að bjóða einfalda, faglega og aðgengilega ferilskráargerð fyrir fólk sem vill fá snyrtilegt skjal án þess að eyða mörgum klukkustundum í uppsetningu.
Get ég séð ferilskrána áður en ég klára?+
Já, Easy CV er með lifandi skjal þar sem þú sérð ferilskrána uppfærast á meðan þú fyllir inn upplýsingarnar þínar. Þannig sérðu strax hvernig textinn, hönnunin og uppsetningin líta út.
Get ég valið mismunandi hönnun á ferilskrá?+
Já, hjá Easy CV getur þú valið úr fjórum mismunandi ferilskrárhönnunum. Þannig getur þú valið útlit sem passar betur við þig, starfsferilinn þinn og starfið sem þú ert að sækja um.
Þarf ég að setja mynd á ferilskrá?+
Það er valkvætt. Ef þú notar mynd ætti hún að vera skýr, snyrtileg og fagleg. Ef þú ert ekki með góða mynd er betra að sleppa henni en að nota mynd sem virkar óvönduð.
Hvaða hæfni á ég að setja á ferilskrá?+
Settu inn hæfni sem tengist starfinu sem þú ert að sækja um. Þetta getur verið tölvukunnátta, samskiptahæfni, þjónustulund, skipulagshæfni, tungumál, leiðtogahæfni, nákvæmni, ábyrgð eða söluhæfni.
Hvernig skrifa ég starfsreynslu á ferilskrá?+
Settu starfsheiti, fyrirtæki, tímabil og stutta lýsingu á helstu verkefnum eða ábyrgð. Sterk starfsreynsla segir ekki bara hvar þú vannst, heldur hvað þú gerðir og hvaða hæfni þú nýttir.
Hvað ef ég hef litla starfsreynslu?+
Þá getur þú lagt meiri áherslu á menntun, verkefni, sjálfboðavinnu, námskeið, áhugamál, félagsstörf, íþróttir og persónulega styrkleika. Fyrsta ferilskráin þarf ekki að vera tóm, hún þarf bara að sýna að þú sért ábyrg/ur og tilbúin/n að læra.
Á ég að hafa meðmælendur á ferilskrá?+
Þú getur haft meðmælendur á ferilskrá ef þú hefur fengið leyfi frá þeim. Annars er líka hægt að skrifa að meðmælendur séu veittir sé þess óskað.
Getur góð ferilskrá aukið líkurnar á atvinnuviðtali?+
Já, skýr og fagleg ferilskrá getur hjálpað atvinnurekanda að sjá hraðar reynslu þína, hæfni og hvers vegna þú passar í starfið. Hún tryggir ekki starf ein og sér, en hún getur hjálpað þér að komast í gegnum fyrstu síun.
Get ég byrjað strax að búa til ferilskrá?+
Já, þú getur byrjað strax hjá Easy CV með því að velja ferilskrárhönnun og fylla inn upplýsingarnar þínar. Þú þarft ekki að vera með fullkominn texta áður en þú byrjar, því oft er auðveldara að laga textann þegar þú sérð hann í forskoðun.
Staðfestu kunnáttuna
ECV kunnáttupróf
Prófin staðfesta kunnáttu sem þú býrð þegar yfir og hjálpa atvinnurekanda að sjá hana strax í umsókninni.
Hvað eru ECV kunnáttupróf?+
ECV er sér vörumerki undir Easy CV sem býður upp á kunnáttupróf fyrir ólík starfssvið. Prófin hjálpa umsækjendum að staðfesta þekkingu sína, styrkja atvinnuumsóknina og auðvelda atvinnurekanda að koma fljótt auga á umsækjendur sem hafa þegar sýnt fram á kunnáttu á því sviði sem sótt er um.
Hvað kostar ECV Grunnpróf?+
ECV Grunnpróf kostar 6.900 kr. Hvert próf inniheldur 30 spurningar og tvær tilraunir eru innifaldar í verðinu.
Eru ECV kunnáttuprófin námskeið eða nám?+
Nei. ECV kunnáttuprófin eru hvorki námskeið né kennsla. Þau eru ætluð fólki sem býr nú þegar yfir þekkingu á viðkomandi sviði og vill staðfesta hana með niðurstöðu og ECV Kunnáttuskírteini.
Þarf ég háskólagráðu til að teljast hafa sérfræðiþekkingu?+
Nei, ekki endilega. Sérfræðiþekking getur byggst á formlegri menntun en einnig á iðn- eða starfsnámi, faglegum vottunum, sjálfsnámi og umfangsmikilli starfsreynslu. Í mörgum iðn-, tækni- og skapandi greinum vegur raunveruleg kunnátta og reynsla þungt. Sum störf og starfsheiti eru þó lögbundin og þá þarf tilskilda menntun, löggildingu eða starfsleyfi. ECV Kunnáttupróf metur þá kunnáttu sem þú býrð nú þegar yfir á afmörkuðu sviði, en kemur ekki í stað háskólagráðu, iðnréttinda, starfsleyfis eða annarra formlegra starfsréttinda.
Hvernig geta ECV kunnáttupróf styrkt atvinnuumsóknina mína?+
Þegar þú hefur lokið prófinu og náð tilskildum árangri geturðu sótt stafrænt ECV Kunnáttuskírteini sem PDF og sent það með ferilskránni eða umsókninni. Það dregur fram kunnáttu þína strax og hjálpar atvinnurekanda að sjá hraðar að þú hafir þekkingu sem tengist starfinu.
Hvaða ECV kunnáttusvið eru í boði?+
Núna eru í boði grunnpróf í almennri þjónustu, sölu, skrifstofustörfum og veitingaþjónustu. Hvert próf byggir á raunhæfum aðstæðum og faglegum vinnubrögðum úr viðkomandi starfssviði.
Hvaða reglur gilda um ECV Kunnáttuprófin?+
Prófið fer fram í fullum skjá og þú hefur 45 sekúndur fyrir hverja spurningu. Ekki má skipta um flipa eða vafraglugga, opna annað forrit, lágmarka vafrann eða fara úr fullum skjá. Fyrsta frávik gefur viðvörun en við annað frávik verður núverandi tilraun ógild og prófinu lýkur. Klukkan heldur áfram að telja utan prófgluggans og ógild tilraun telst sem ein af tveimur inniföldum tilraunum. Reglurnar birtast aftur áður en prófið hefst og þarf að ýta á „Byrja“ til að hefja prófið og tímamælinguna.
Hvaða árangri þarf ég að ná til að fá ECV Kunnáttuskírteini?+
Þú þarft að ná að minnsta kosti 80% árangri. Í grunnprófi með 30 spurningum jafngildir það 24 réttum svörum.
Hvað gerist ef ég næ ekki prófinu í fyrstu tilraun?+
Tvær tilraunir eru innifaldar. Ef þú nærð ekki lágmarksárangri í fyrstu tilraun getur þú tekið prófið aftur án aukagreiðslu. Til að fá ECV Kunnáttuskírteini þarftu að ná lágmarksárangri í annarri hvorri tilraun.
Hvað kemur fram á ECV Kunnáttuskírteininu?+
Á stafræna skírteininu koma meðal annars fram nafn, kennitala, dagsetning og prófið sem var tekið. Skírteinið staðfestir að tilskildum árangri hafi verið náð í ECV Kunnáttuprófi hjá Easy CV.
Get ég fengið prentað frumrit af ECV Kunnáttuskírteininu?+
Já. Auk stafræna skírteinisins geturðu pantað prentað frumrit. Það er útbúið á vönduðum, þykkum skírteinapappír, með upprunalegum stimpli frá Easy CV og sent í pósti. Verð: 1.890 kr.
Er nauðsynlegt að panta prentað frumrit af ECV Kunnáttuskírteininu?+
Nei, það er ekki nauðsynlegt. Stafræna ECV Kunnáttuskírteinið dugar til að senda með atvinnuumsókn. Það getur þó verið gott að eiga prentað frumrit ef atvinnurekandi óskar eftir að sjá það, til dæmis við ráðningu eða þegar farið er yfir önnur upprunaleg gögn og skírteini.
Ég sótti ECV Kunnáttuskírteinið mitt en finn það ekki lengur. Hvað get ég gert?+
Ekkert mál. Sendu okkur línu á hallo@easycv.is með nafni, kennitölu og pöntunarnúmeri. Þegar við höfum staðfest upplýsingarnar sendum við skírteinið aftur á netfangið þitt um hæl.